दिवङ्गत डियोगो जोटाको जर्सी पहिरिँदै जब क्रिस्टियानो रोनाल्डो भावुक बने

टोरोन्टो । क्रिस्टियानो रोनाल्डो र पोर्चुगलले बिहीबार टोरोन्टोमा क्रोएसियामाथि २–१ को विश्वकप जितपछि आफ्ना पूर्व टोलीसाथी डियोगो जोटाप्रति भावुक श्रद्धाञ्जली अर्पण गरेका छन् । राउन्ड अफ ३२ को खेलमा पेनाल्टीमार्फत पोर्चुगलको पहिलो गोल गरेका रोनाल्डोले अन्तिम सिटी बजिएपछि जोटाको नम्बर २१ अंकित पोर्चुगलको जर्सी लगाएका थिए । आँखा रसाउँदै उनले आफ्ना टोलीसाथीसँगै आकाशतर्फ औँला देखाउँदै जोटाको सम्झना गरेका थिए ।

शुक्रबार जोटा र उनका भाइ आन्द्रे सिल्भाको स्पेनको पश्चिमी क्षेत्रमा भएको कार दुर्घटनामा निधन भएको ठिक एक वर्ष पूरा हुँदै छ । डियोगो जोटाले पोर्चुगलका लागि ४९ खेल खेल्दै १४ गोल गरेका थिए ।