स्कुल र कलेजका दर्शक पकाउँदै ‘हली’ युनिट

काठमाडौँ । आगामी साउन २२ गतेबाट प्रदर्शनमा आउन लागेको चलचित्र ‘हली’का कलाकार प्रमोद दीप, अभिनेत्री सुजाता थापा, विद्या कार्की, सङ्गीतकार बाबुल गिरी तथा निर्माताद्वय पूजा गुरुङ र जस्मिन श्रेष्ठ अहिले प्रचार प्रसारमा व्यस्त छन् । प्रचारका क्रममा फिल्म युनिट काठमाडौंका अधिकांश स्कुल तथा कलेजमा पुगिरहेका छन् ।

फिल्ममा सुरु देखिनै दर्शक अभाव हुन नदिन र विद्यार्थीलाई पनि हलसम्म तान्न उनीहरू स्कुल तथा कलेजमा फिल्म प्रचारमा पुगेका हुन् । फिल्मले किसानको अलवा युवाको कथा उठाएकोले स्कुल कलेजमा पनि प्रचार प्रसार गरिएको निर्माता पूजा गुरुङले बताइन् ।