डिशहोम र तुषालबीच सहकार्य: भर्चुअल प्रिभिलेज कार्डमार्फत ग्राहकले विशेष छुट पाउने

काठमाडौं । डिश मिडिया नेटवर्क लिमिटेड (डिशहोम) र तुषाल मल्टिभेन्युबीच आफ्ना ग्राहक, कर्मचारी, डिलर तथा सेवा साझेदारहरूलाई विशेष जीवनशैली, फिटनेस र वेलनेस सुविधाहरू प्रदान गर्ने उद्देश्यका साथ एक समझदारीपत्रमा हस्ताक्षर भएको छ ।

डिशहोमको भर्चुअल प्रिभिलेज कार्ड कार्यक्रम अन्तर्गत सुरु गरिएको यो सहकार्यले ग्राहकहरूको जीवनस्तर सुधार्न र उनीहरूलाई स्वास्थ्य तथा मनोरञ्जनका क्षेत्रमा देशव्यापी रूपमा विशेष सहुलियत प्रदान गर्ने लक्ष्य राखेको छ ।