बर्डफ्लु प्रभावित किसानलाई ५० करोड क्षतिपूर्ति निकासा

काठमाडौं। कृषि, वन तथा वातावरण मन्त्रालयले बर्डफ्लुबाट प्रभावित किसानलाई क्षतिपूर्ति वितरण गर्न पशु सेवा विभागलाई ५० करोड रुपैयाँ निकासा गरेको छ।

बर्डफ्लु पुष्टि भएका ११ जिल्लामा नष्ट गरिएका पन्छी, अण्डा तथा दानाको क्षतिपूर्ति वितरणका लागि मन्त्रालयले रकमान्तरमार्फत उक्त रकम उपलब्ध गराएको हो। विभागले प्रभावित किसानलाई राहत उपलब्ध गराउन मन्त्रालयसँग रकम माग गरेको थियो।