बर्ड फ्लुबाट प्रभावित किसानलाई क्षतिपूर्ति दिन रकम निकास

काठमाडौँ – कृषि, वन तथा वातावरण मन्त्रालयले बर्ड फ्लुबाट प्रभावित किसानलाई क्षतिपूर्ति उपलब्ध गराउन रु ५० करोड निकासा गरेको छ । मन्त्रालयले प्रभावित किसानलाई क्षतिपूर्ति दिन रकमान्तर गरेर पशुसेवा विभागलाई उक्त रकम उपलब्ध गराएको हो ।

बर्ड फ्लु पुष्टि भएका ११ जिल्लामा नष्ट गरिएका पन्छी, अण्डा तथा दानाको क्षतिपूर्ति वितरणका लागि उक्त रकम विभागलाई उपलब्ध गराएको हो । बर्ड फ्लुबाट आर्थिक नोक्सानी बेहोरेका किसानलाई राहतस्वरुप क्षतिपूर्ति वितरण गर्न विभागले मन्त्रालयसँग रकम माग गरेको थियो ।