सामाजिक सञ्जालमा अश्लील सामाग्री सार्वजनिक गरी ब्ल्याकमेल गर्ने २० वर्षीय युवक पक्राउ

काठमाडौं । सामाजिक सञ्जालमार्फत एक महिलाको निजी तस्बिर र भिडियो दुरुपयोग गरी ब्ल्याकमेल गरेको आरोपमा नेपाल प्रहरीले एक युवकलाई पक्राउ गरेको छ ।

नेपाल प्रहरीको साइबर ब्यूरोका अनुसार पीडित महिलासँगको सम्बन्धका क्रममा खिचिएका अश्लील तस्बिर तथा भिडियो प्रयोग गरेर ती सामाग्री सार्वजनिक गर्ने धम्की दिँदै अनुचित लाभ लिन खोजिएको थियो । पीडितको माग पूरा नभएपछि ती सामाग्री महिलाका परिवारका सदस्यलाई ह्वाट्सएपमार्फत पठाइएको उजुरीपछि अनुसन्धान अघि बढाइएको थियो ।