अमेरिकी सेनामा कार्यरत ताप्लेजुङका सुनील थापाको गोली लागेर मृत्यु

काठमाडौं । अमेरिकी सेनामा कार्यरत ताप्लेजुङका २४ वर्षीय सुनील थापाको गोली लागेर मृत्यु भएको छ । दुई दिनअघि भएको घटनामा तालिमका क्रममा साथीको बन्दुकबाट चलेको गोली उनको टाउकोमा लागेको प्रारम्भिक जानकारी परिवारले पाएको छ । तर अमेरिकी पक्षबाट यसको आधिकारिक पुष्टि भइसकेको छैन ।

सुनील अमेरिका निवासी समाजसेवी दम्पती हेम थापा र माया थापाका कान्छा छोरा हुन् । उनी हालै मात्र अमेरिकी सेनामा पदोन्नति भएका थिए । पदोन्नतिपछि दिइने थप तालिमका क्रममा दुर्घटनावश गोली लागेको हुन सक्ने पारिवारिक स्रोतको भनाइ छ ।