मुक्तिनाथ विकासबैंकद्वारा देशका विभिन्न भागका सरकारी विद्यालयका विद्यार्थीलाई शैक्षिक सामग्री सहयोग

काठमाडौं -आफ्नो संस्थागत सामाजिक उत्तरदायित्व कार्यक्रमअन्तर्गत मुक्तिनाथ विकास बैंकले देशका विभिन्न प्रदेशका सरकारी विद्यालयका विद्यार्थीलाई शैक्षिक सामग्री, विद्यालय पोसाक, स्कूल ब्याग, स्टेशनरी तथा अध्ययन खर्च सहयोग गरेको छ ।

बैंकका अनुसार शिक्षाको प्रवर्द्धन तथा बालबालिकाको शैक्षिक पहुँच विस्तार गर्ने उद्देश्यले मोरङको विराटनगरमा ७८ विद्यार्थीलाई शैक्षिक पोसाक, महोत्तरीको बर्दिबासमा १२८ जनालाई स्टेशनरी सामग्री, अर्घाखाँचीको सन्धिखर्कमा २५ जना अपाङ्गता भएका बालबालिकालाई स्कूल ब्याग र स्टेशनरी सामग्री तथा डडेलधुराको खिन्नेभाडीमा १५० विद्यार्थीलाई स्टेशनरी सामग्री वितरण गरिएको छ ।