‘मास्टरनी’ को प्रदर्शन मिति घोषणा

अभिनेत्री प्रियांका कार्कीको अभिनय तथा निर्माण रहेको चलचित्र ‘मास्टरनी’ को प्रदर्शन मिति घोषणा भएको छ।

निर्माण टिमले शुक्रबार दुई पोस्टर सार्वजनिक गरी प्रदर्शन मिति घोषणा गरेका छन्। उक्त पोस्टरमा कार्कीको फरक स्वरूप देख्न सकिन्छ। जहाँ उनी ‘बाथ टप’ मा माछासँग पानीभित्र स्थिर मुद्रामा छिन्। अनुहारको भाव भने रहस्यमय देखिन्छ। पोस्टरको माथिल्लो भागमा ‘सबैभन्दा शान्त मनले सबैभन्दा घातक खेलको योजना बनायो’ लेखिएको छ। जसले चलचित्र भित्रको कथावस्तुलाई संकेत गर्छ।