साझाका ८ ईभी ‘ब्लु बस’ का रूपमा सञ्चालन हुँदै, राज्यलाई कम्तीमा वार्षिक ३ करोड खर्चको भार

काठमाडौं । सरकारको १०० दिने कार्यसूची अनुसार साझा यातायातले आफ्ना ८ वटा विद्युतीय बसलाई महिलाका लागि निःशुल्क ‘ब्लु बस’ (नीलो बस) का रूपमा सञ्चालन गर्ने तयारी अन्तिम चरणमा पुर्‍याएको छ । साझा यातायातका प्रमुख कार्यकारी अधिकृत (सीईओ) भूपेन्द्र अर्यालले अर्थ मन्त्रालयबाट बजेट सुनिश्चित हुनासाथ यो सेवा साउनदेखि नै सञ्चालनमा आउने जानकारी दिएका छन् ।

सीईओ अर्यालका अनुसार, साझाले आफ्ना हाल सञ्चालनमा रहेका ४० वटा विद्युतीय बसमध्ये ८ वटालाई ब्लु बसमा रूपान्तरण गर्न लागेको हो । यो सेवा पूर्ण रूपमा महिलाका लागि निःशुल्क हुने बताइएको छ ।