वैकल्पिक व्यवस्था बिना बस्ती नहटाउन मुसहर सुकुमवासीको माग

काठमाडौँ । सिरहाको लहान बजार क्षेत्रमा बसोबास गर्दै आएका दलित मुसहर समुदायका सुकुमवासीहरू आइतबारदेखि आन्दोलनमा उत्रिएका छन्। पछिल्लो समय सरकारले विभिन्न स्थानका सुकुमवासी बस्तीहरू हटाउने तयारी गरिरहेको भन्दै उनीहरूले त्यसको विरोधमा प्रदर्शन सुरु गरेका हुन्।

प्रदर्शनकारीहरूले आफूहरू हाल बसोबास गर्दै आएकै स्थानमा जग्गाको लालपुर्जा उपलब्ध गराउनुपर्ने माग गरेका छन्। यदि त्यसो गर्न सम्भव नभए वैकल्पिक र सुरक्षित बसोबासको ग्यारेन्टी गरेर मात्रै आफूहरूलाई स्थानान्तरण गर्नुपर्ने उनीहरूको अडान छ। उचित विकल्प बिना बस्ती हटाउने निर्णय अन्यायपूर्ण हुने उनीहरूले बताएका छन्।