स्वास्थ्य बीमा बोर्डको २३ अर्बभन्दा बढी भुक्तानी, स्वास्थ्य संस्थालाई उपचार सेवा नरोक्न आग्रह

काठमाडौं– स्वास्थ्य बीमा बोर्डले चालु आर्थिक वर्षमा सेवा प्रदायक स्वास्थ्य संस्थालाई हालसम्म २३ अर्ब ४६ करोड २१ लाख ८६ हजार १६ रुपैयाँ भुक्तानी गरिसकेको जनाएको छ। बोर्डले शुक्रबार प्रेस विज्ञप्ति जारी गर्दै २०८२ साल मंसिर मसान्तसम्मका सबै दाबीको भुक्तानी फर्छ्योट गरिएको जानकारी दिएको हो।

बोर्डका अनुसार मंसिरपछि प्राप्त भएका दाबीको भुक्तानीका लागि आवश्यक बजेट व्यवस्थापन तथा दिगो वित्तीय स्रोत सुनिश्चित गर्न सम्बन्धित निकायसँग निरन्तर समन्वय भइरहेको छ।