१७ इन्टरनेट सेवा प्रदायकसँग प्राधिकरणले माग्यो १५ दिने स्पष्टीकरण

काठमाडौँ । नेपाल दूरसञ्चार प्राधिकरणले नियमअनुसार बुझाउनुपर्ने बक्यौता रकम नबुझाउने र सम्पर्कमा नआउने १७ वटा इन्टरनेट (इमेल सहित) सेवा प्रदायकहरूलाई अनुमतिपत्र (लाइसेन्स) किन खारेज नगर्ने भन्दै स्पष्टीकरण सोधेको छ।

मंगलबार एक सार्वजनिक सूचना जारी गर्दै प्राधिकरणले ती सेवा प्रदायकहरूलाई १५ दिनभित्र लिखित सफाइ पेश गर्न निर्देशन दिएको हो।