मेटाले ल्यायो सोचलाई टेक्स्टमा बदल्ने नयाँ एआई

काठमाडौं । मेटाले मस्तिष्कका संकेतलाई टेक्स्टमा रूपान्तरण गर्न सक्ने नयाँ कृत्रिम बौद्धिकता (एआई) प्रणाली Brain2Qwerty v2 सार्वजनिक गरेको छ । कम्पनीका अनुसार यो प्रविधिले भविष्यमा कुनै शल्यक्रिया वा मस्तिष्कमा चिप (इम्प्लान्ट) जडान नगरी केवल सोचकै आधारमा टाइप गर्न सकिने सम्भावनाको ढोका खोल्नेछ ।

मेटाले यो प्रविधि विशेषगरी मस्तिष्कमा चोट लागेका, पक्षघात भएका वा बोल्न नसक्ने व्यक्तिहरूका लागि उपयोगी हुने जनाएको छ । यसले उनीहरूलाई आफ्ना विचार सहज रूपमा व्यक्त गर्न सहयोग पुग्ने कम्पनीको विश्वास छ ।