‘अल्गोरिदम’ र ‘पपुलिजम’ले बनेको जनमत धेरै टिक्दैन : महेश बस्नेत

नेकपा (एमाले) का सचिव महेश बस्नेतले अहिले देखिएको सरकारप्रतिको जनसमर्थन सामाजिक सञ्जालको ‘अल्गोरिदम’ र ‘पपुलिजम’को प्रभावबाट सिर्जना भएको भन्दै लामो समय नटिक्ने बताएका छन्। कमेडी दरबारमा सहभागी हुँदै उनले सरकारप्रति सुरुवाती चरणमा देखिएको उच्च अपेक्षा अहिले कमजोर बन्दै गएको र त्यसको कारण सरकारले जनताका अपेक्षा पूरा गर्न नसक्नु रहेको बताए।

साथै उनले वर्तमान जनमतलाई ‘सुगर र प्रेसर नियन्त्रण नगरी गरिएको अप्रेसन’ भन्दै यस्तो अवस्थाले देशलाई जोखिमतर्फ धकेल्न सक्ने बताए । भाइरल हुने प्रवृत्ति, पपुलिस्ट राजनीति र सामाजिक सञ्जालको प्रभावका आधारमा सत्तामा पुगेका नेतृत्वले प्रभावकारी रूपमा देश सञ्चालन गर्न नसक्ने दाबी गरे।