विश्वकपमा कडाइ, युरोपमा खुकुलो : मैदानमा मुख छोपेर गरिने कुराकानीमा युईएफएको आफ्नै नीति

युरोपेली फुटबलको सर्वोच्च निकाय युईएफएले आफ्ना प्रमुख प्रतियोगिताहरूमा विपक्षी खेलाडीसँग मुख छोपेर कुरा गर्ने वा झगडा गर्ने खेलाडीलाई रातो कार्ड नदेखाउने स्पष्ट पारेको छ।

विश्व फुटबलको नियामक निकाय फिफाले विश्वकप जस्ता प्रतियोगितामा यस्तो व्यवहार गर्ने खेलाडीलाई सिधै रातो कार्ड दिने नियम ल्याएको भए पनि युईएफएले भने च्याम्पियन्स लिग, युरोपा लिग र कन्फरेन्स लिगमा यो नियम लागू नगर्ने निर्णय गरेको हो।