सप्तरीमा फुटपाथ अतिक्रमणले सडक जोखिम बढ्यो

राजविराज नगरपालिका सहित जिल्लाका विभिन्न चौकहरूमा बिच सडकमा तरकारी हटिया, जथाभावी पार्किङ तथा फुटपाथ अतिक्रमणका कारण सडक जोखिम बढ्दै गएको छ । यसले सवारी दुर्घटनाको जोखिम समेत बढाएको छ ।

सडकमा जथाभावी पार्किङ, फुटपाथमा साइनबोर्ड, पसल तथा हाटबजार सञ्चालन गर्ने प्रवृत्तिका कारण दुर्घटनाको जोखिम बढेको स्थानीयले बताएका छन् । राजविराजस्थित अदालत रोडमा जिल्ला अदालतदेखि राम मन्दिरसम्म सडकमै पार्किङ गर्ने र तरकारी पसल थाप्ने प्रवृत्तिले दैनिक रूपमा सडक अव्यवस्थित हुने गरेको छ ।