हिमालयन बैंकका अध्यक्ष र सीईओलाई राष्ट्र बैंकको कारबाही

काठमाडौँ । नेपाल राष्ट्र बैंकले हिमालयन बैंकलाई बैंकिङ नियमन र एकीकृत निर्देशनहरूको उल्लंघन भएको भन्दै कारबाही गरेको छ ।

बैंकको जोखिममा आधारित समष्टिगत स्थलगत निरीक्षणका क्रममा बैंकिङ नियमन र एकीकृत निर्देशनहरूको उल्लंघन भएको पाइएपछि राष्ट्र बैंकले बैंकको अध्यक्ष प्रचण्डबहादुर श्रेष्ठ, सञ्चालक र प्रमुख कार्यकारी अधिकृत (सीईओ) अशोक शमशेर जबरालाई सचेत गराउँदै सुधारात्मक कदमका लागि कबुलियतनामा समेत गराएको छ । चालु आर्थिक वर्षको तेस्रो त्रैमासमा उनीहरूलाई पहिलोपटक कारबाही गरिएको हो ।