दुर्घटनापछि फरार रहेका टिप्पर चालक १७ दिनपछि पक्राउ

स्याङ्जाको चापाकोट नगरपालिका–४ पुम्दीमा टिप्पर दुर्घटना गराएर फरार रहेका चालक १७ दिनपछि पक्राउ परेका छन् ।

जिल्ला प्रहरी कार्यालय स्याङ्जाका अनुसार गत जेठ २७ गते मल्याङ्कोटबाट घुर्लिचौरतर्फ सडक निर्माणका लागि बालुवा बोकेर जाँदै गरेको ग १ क ४४४६ नम्बरको टिप्पर उकालोमा चिप्लिएर करिब १०० मिटर तल खसेको थियो । दुर्घटनामा टिप्परमा कार्यरत दुई जना घाइते भएका थिए।