आफैँ तेल बेच्ने रुस कसरी पर्‍यो इन्धन सङ्कटमा ?

मस्को । विश्वभरका धेरै देशलाई तेल बेच्ने रुस आजकाल आफैँ ऊर्जा सङ्कटसँग जुधिरहेको छ।

समाचार एजेन्सी एपीका अनुसार रुसका पेट्रोल पम्पहरूमा लामा लाइन लगातार बढिरहेका छन्। योसँगै मानिसहरूमा निराशा र अनिश्चितता पनि बढ्दै गइरहेको छ। महिनौँदेखि युक्रेनका आक्रमणहरूले तेल रिफाइनरीहरूलाई निशाना बनाएका छन् र देशभरको इन्धन आपूर्तिलाई प्रभावित पारेका छन्।