सिंहदरबारभित्रै निजामती कर्मचारी अस्पतालको सेवा एकाइ सञ्चालनमा

काठमाडौँ । निजामती कर्मचारीहरूलाई कार्यस्थलमै सहज र छिटो स्वास्थ्य सेवा उपलब्ध गराउने उद्देश्यले सिंहदरबारभित्र निजामती कर्मचारी अस्पतालको नयाँ सेवा एकाइ सञ्चालनमा आएको छ। भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालय भवनको तल्लो तलामा आजदेखि औपचारिक रूपमा यो सेवा एकाइ सुरु गरिएको हो।

मन्त्रालयका अनुसार सिंहदरबारमा कार्यरत कर्मचारीहरूले सामान्य स्वास्थ्य जाँच तथा परामर्शका लागिसमेत अस्पतालसम्म धाइरहनुपर्ने बाध्यतालाई कम गर्न यो कदम चालिएको हो। यसले कर्मचारीहरूको समय बचत हुनुका साथै कार्यसम्पादनमा समेत सकारात्मक प्रभाव पर्ने विश्वास लिइएको छ।