तालिम र गोष्ठीको बजेट काटेर किसानलाई राहत देऊ : रखाल

काठमाडौँ । नेकपा (एमाले) बाट राष्ट्रिय सभाकी सांसद मिनासिंह रखालले अनुत्पादक क्षेत्रमा बजेट खर्च नगर्न सरकारलाई सुझाव दिएकी छन्। शुक्रबार राष्ट्रिय सभा बैठकमा कृषि, वन तथा पर्यावरण मन्त्रालयको विनियोजन शीर्षकमाथिको छलफलमा भाग लिँदै उनले यस्तो सुझाव दिएकी हुन्।

सरकारले तालिम र गोष्ठीको नाममा विनियोजन गरेको बजेट किसानहरूलाई राहत दिने लगायतका उत्पादनमूलक क्षेत्रमा लगानी गर्नुपर्ने सांसद रखालको भनाइ थियो। उनले साधारण खर्च कटौती गर्न र किसानहरूको हित प्रवर्द्धन हुने क्षेत्रमा बजेट केन्द्रित गर्न पनि सरकारलाई सचेत गराइन्।