सार्वजनिक अभिव्यक्तिका कारण प्रसाईं पक्राउ , प्रहरीले अनुसन्धान गर्दै

पर्सा- दुर्गा प्रसाईं सोमवार राति पर्साको वीरगञ्ज स्थित दियालो होटलबाट पक्राउ परेका छन् । उनलाई जिल्ला प्रहरी कार्यालय पर्साको टोलीले नियन्त्रणमा लिएको हो । पक्राउको क्रममा केही समय विवादसमेत भएको बताइएको छ ।

हाल प्रसाईं प्रहरी हिरासतमै रहेका छन् । उनीमाथि कुन कानुनी कसुरमा अनुसन्धान भइरहेको हो भन्ने विषयमा प्रहरीले औपचारिक रूपमा स्पष्ट खुलाएको छैन । जिल्ला प्रहरी कार्यालय पर्साका प्रवक्ता डीएसपी हरि बस्नेतका अनुसार प्रसाईंले सार्वजनिक रूपमा दिएका अभिव्यक्ति र त्यसले शान्ति–सुरक्षामा पारेको प्रभावबारे अनुसन्धान भइरहेको छ ।