राष्ट्रिय चिया लिलाम बजार तत्काल स्थापना गर्न सांसद अर्यालको माग

काठमाडौँ । नेपाली कम्युनिस्ट पार्टी (नेकपा) राष्ट्रिय सभाकी सांसद उर्मिला अर्यालले राष्ट्रिय चिया लिलाम बजार (टी अक्सन मार्केट) तत्काल स्थापना गर्न सरकारसँग माग गरेकी छन्। शुक्रबार राष्ट्रिय सभा बैठकमा कृषि, वन तथा पर्यावरण मन्त्रालयको विनियोजन शीर्षकमाथिको छलफलमा भाग लिँदै उनले यस्तो माग गरेकी हुन्।

सरकारले चिया लिलाम बजार स्थापना नगरेका कारण नै नेपालको चियाको अन्तर्राष्ट्रिय बजारमा प्रवर्द्धन हुन नसकेको तथ्य उनले औँल्याइन्। उनले चिया निर्यातसम्बन्धी उचित कानुनको तर्जुमा गर्न पनि सरकारलाई सचेत गराइन्।