कर्णाली प्रदेशको ३५ अर्ब ३९ करोडको बजेट बहुमतले पारित

काठमाडौं- कर्णाली प्रदेश सरकारले आगामी आर्थिक वर्ष २०८३/८४ का लागि ल्याएको ३५ अर्ब ३९ करोड ८५ लाख ४८ हजार रुपैयाँ बराबरको बजेट प्रदेशसभाबाट बहुमतले पारित भएको छ।

शुक्रबार बसेको कर्णाली प्रदेशसभाको दोस्रो कार्यकालको आठौँ अधिवेशनअन्तर्गतको २०औँ बैठकले बजेट पारित गरेको हो। प्रदेशका आर्थिक मामिला तथा योजनामन्त्री राजीवविक्रम शाहले असार १ गते प्रदेशसभामा आगामी आर्थिक वर्षको बजेट प्रस्तुत गरेका थिए।