बर्खामा पुरानै घाउ बल्झिने डरमा मेलम्चीको पानी बन्द, दिगो समाधान कहिले भेटिएला

मेलम्ची खानेपानी संरचना रहेको स्थानमा बिहीवार खोलाको पानीमा बढेको धमिलोपना र पानीको कारण त्यहाँको अस्थायी संरचनामा पुगेको क्षतिका माझ "केही अवधि"का निम्ति सुरुङबाट काठमाण्डू पानी पठाउने काम बन्द गरिएको मेलम्ची खानेपानी विकास समितिले जनाएको छ।

विसं २०७८ को असार १ र साउन १६ मा मेलम्चीमा आएको भीषण बाढी तथा गेग्रान बहावले उक्त खानेपानी परियोजनाको सुरुङमा पानी पसाउने संरचना वा मुख्य 'हेडवर्क्स' लाई व्यापक क्षति पुगेयता हरेक वर्ष बर्खामा मेलम्ची बन्द हुने गरेको छ।