विवाह समारोहमा अमेरिकी हमला भएको हो कि होइन भनेर अनुसन्धान गर्दै अमेरिका

अमेरिकाका उपराष्ट्रपति जेडी भान्सले दक्षिणी इरानमा विवाह समारोहका क्रममा भएको घातक हमलाबारे अमेरिका अनुसन्धान गरिरहेको बताएका छन्।

दक्षिणी इरानको हर्मोज्गान प्रान्तस्थित सिरिक काउन्टीको कुहेस्ताक गाउँमा मंगलबार विवाह समारोह चलिरहेका बेला विस्फोट भएको थियो। इरानी सरकारी टेलिभिजनका अनुसार घटनामा पाँच जनाको मृत्यु भएको छ भने करिब ७० जना घाइते भएका छन्।