संविधान संशोधन बहस ‘ध्यान मोड्ने रणनीति’ भन्दै सांसद अमरेशकुमार सिंहको कडा टिप्पणी

राष्ट्रिय स्वतन्त्र पार्टी (रास्वपा) का सांसद अमरेशकुमार सिंहले सरकारले अघि सारेको संविधान संशोधनको बहसलाई जनताका मूल समस्याबाट ध्यान मोड्ने प्रयासका रूपमा व्याख्या गरेका छन्।

ललितपुरमा टंकप्रसाद आचार्य स्मृति प्रतिष्ठानले आयोजना गरेको ‘संविधान संशोधन, नागरिकका अपेक्षा’ विषयक कार्यक्रममा बोल्दै उनले वर्तमान राजनीतिक संरचनामा संविधान संशोधन सम्भव नरहेको दाबी गरे। उनले यस्तो बहसले बरु राजनीतिक व्यवस्था नै संकटमा पर्न सक्ने चेतावनीसमेत दिए।