विश्वकपअघि फ्रान्सलाई आइभरी कोस्टको झड्का, अमाद डियालोले दिलाए २–१ को जित

फ्रान्स । फिफा विश्वकपको तयारीस्वरूप खेलिएको मैत्रीपूर्ण फुटबल खेलमा आइभरी कोस्टले उपाधिको प्रमुख दाबेदार मानिएको फ्रान्सलाई २–१ ले पराजित गरेको छ। खेलको दोस्रो हाफमा उत्कृष्ट पुनरागमन गर्दै आइभरी कोस्टले प्रभावशाली जित दर्ता गरेको हो।

फ्रान्सले पहिलो हाफमा रायन चेर्कीको आकर्षक गोलमार्फत अग्रता लिएको थियो। तर दोस्रो हाफमा आइभरी कोस्टले खेलमा फर्कँदै गुएला डुए र अमाद डियालोको गोलबाट नतिजा आफ्नो पक्षमा पार्यो। डियालोको निर्णायक गोलले ‘एलिफेन्ट्स’ लाई जित दिलायो।