सुरुङभित्रबाट थप एक जनाको जीवितै उद्धार

काठमाडौँ- रसुवाको भोटेकोशी नदीमा (भदौ १० गते) बुधबार आएको विनाशकारी बाढीका कारण त्रिशूली-३ ‘ए’ जलविद्युत् आयोजनाको सुरुङभित्र फसेका थप एक जनाको १० दिनपछि जीवितै उद्धार गरिएको छ।

खोजी तथा उद्धारमा खटिएका इन्जिनियर श्रीराम न्यौपानेका अनुसार सुरुङभित्रबाट थप एक जनालाई जीवितै उद्धार गरिएको हो। यससँगै सुरुङभित्रबाट जीवितै उद्धार हुनेको संख्या दुई पुगेको छ। उद्धार गरिएकामा सञ्जय साह र कविर महर्जन हुन्।