ड्रोन उडान प्रकरणमा अपदस्थ राष्ट्रपति युनलाई थप ३० वर्ष जेल सजाय

सियोल- उत्तर कोरियासँग तनाव चर्काउने उद्देश्यले सन् २०२४ मा प्योङयाङमाथि ड्रोन उडान गराउन आदेश दिएको अभियोगमा दक्षिण कोरियाका अपदस्थ राष्ट्रपति युन सुक योललाई थप ३० वर्ष जेल सजाय सुनाइएको छ। सोही प्रकरणमा उनका पूर्व रक्षामन्त्री किम योङ ह्युन पनि दोषी ठहरिएका छन्।

यसअघि डिसेम्बर २०२४ मा मार्सल ल लागू गरेको अभियोगमा युनलाई आजीवन कारावासको सजाय सुनाइसकिएको थियो। शुक्रबार सियोल केन्द्रीय जिल्ला अदालतले ड्रोन उडानसम्बन्धी मुद्दामा थप ३० वर्ष जेल सजाय सुनाएको हो। फैसलाको पूर्ण विवरण भने सार्वजनिक गरिएको छैन।