पार्वतीको व्यापार आक्रामक

प्रारम्भिक व्यापारिक सुस्तता र रसुवाको बाढीपहिरोको असरलाई चिर्दै अभिनेत्री नीता ढुंगानाद्वारा निर्देशित फिल्म पार्वतीले घरेलु बक्स अफिसमा बलियो पुनरागमन गरेको छ।

प्रदर्शनको पहिलो र दोस्रो दिन अपेक्षाकृत न्यून दर्शक उपस्थिति रहे पनि तेस्रो दिनदेखि दर्शकको चाप बढेस“गै फिल्मको व्यापारमा उल्लेख्य सुधार आएको हो। सुरुवाती दिनमा न्यून शो पाएको पार्वतीले दर्शकबाट प्राप्त सकारात्मक प्रतिक्रियाका कारण अहिले देशभरका हलमा १ सय १० भन्दा बढी शो पाएको निर्माण पक्षले जनाएको छ। विशेषगरी दर्शकबाट आएको सकारात्मक माउथ पब्लिसिटी फिल्मको व्यापार उकासिनुको प्रमुख कारण बनेको बताइएको छ।