त्रिशूली–३ ‘ए’ को सुरुङबाट सञ्जय साह र कविर महर्जनको जीवितै उद्धार

काठमाडौं : गत बुधबार भोटेकोशी नदीमा आएको बिनाशकारी बाढीका कारण त्रिशूली–३ ‘ए’ जलविद्युत् आयोजनाको सुरुङभित्र फसेका दुई जनाको जीवितै उद्धार गरिएको छ। सुरुङभित्र फसेकाे अवस्थामा रहेका सञ्जय साह र कविर महर्जनको नेपाली सेनासहितको प्राविधिक टोलीले सकुशल उद्धार गरेको हो।

आयोजनास्थलमा खोजी तथा उद्धारमा निरन्तर खटिएको सुरक्षाकर्मी र प्राविधिक टोलीले बिहान सुरुङभित्रबाट मानिसको आवाज सुनिएको संकेत पाएका थिए। इन्जिनियर श्रीराम न्यौपानेका अनुसार आवाजको संकेत मिल्ने बित्तिकै नेपाली सेनाको टोलीले उद्धार कार्यलाई तीव्र पारेको थियो।