उपेन्द्र र राजकिशोर यादवबिच बढ्यो दुरी !

काठमाडौँ । जनता समाजवादी पार्टी (जसपा) नेपालका अध्यक्ष उपेन्द्र यादव र सोही पार्टीका नेता राजकिशोर यादवबिच दुरी बढेको छ । फागुन २१ गतेको चुनाव सम्पन्न भएपछि जसपा नेपालका नेता राजकिशोर यादवको पार्टीको कुनै पनि गतिविधिमा संलग्न देखिएका छैनन् । पार्टीका बैठकहरूमा अनुपस्थित भइरहेका नेता राजकिशोर यादव पार्टी कार्यालय जान समेत छाडेका छन् ।

पार्टीले अहिले मधेस प्रदेशका जिल्लाहरूमा अन्तरक्रिया तथा अभिमुखी कार्यक्रम सञ्चालन गर्दै आइरहेको छ । हरेक कार्यक्रममा पार्टीका अध्यक्ष उपेन्द्र यादव आफैँ पुग्ने गरेका छन् ।