तिब्बततर्फको बजार नखुल्दा लप्चीवासी चिन्तित

दोलखा । चीनको तिब्बतसँग सिमाना जोडिएको दोलखाको बिगु गाउँपालिका–१, लप्चीका स्थानीय यो वर्ष चौँरी व्यवसाय ठप्प भएपछि चिन्तित भएका छन् । हरेक वर्ष साउन अन्तिम साता लप्चीवासीको लागि तिब्बतको टाँसीघाङमा तीन–चार दिन बजार लाग्ने गरेकोमा यो वर्ष बजार नलाग्दा चौँरी तथा चौँरीबाट उत्पादित वस्तु बिक्री गर्न नसकिएको स्थानीय ७२ वर्षीय पेम्बाछिरी शेर्पाले बताए ।

‘हरेक वर्ष तिब्बतको टाँसीघाङमा केही दिन लाग्ने बजारमा चौँरी, चौँरीको घिउ, छुर्पीलगायतका वस्तु बिक्री गरेर त्यतैबाट एक वर्षको लागि आवश्यक पर्ने खाद्यान्न तथा लत्ताकपडाहरु ल्याउने गरेका थियौँ’, पेम्बाछिरीले भने– ‘तर यो वर्ष पशुमा रोग देखिएको भन्दै टाँसीघाङमा बजार नखोलेपछि आफ्नो उत्पादन बिक्री गर्न र आवश्यक सामग्री खरिद गर्न सकिएन ।’