बाढीपीडितका लागि उठेको पैसा कसरी खर्च हुन्छ?

भोटेकोसी बाढीपीडितका लागि उद्धार र राहतका लागि दिनहुँ करोडौं रुपैयाँ प्रधानमन्त्री दैवी प्रकोप उद्धार कोषमा जम्मा भइरहेको छ। हालसम्म साढे पाँच अर्बको हाराहारीमा पैसा जम्मा भइसकेको छ। देश–विदेशबाट बाढीपीडितका लागि भनी दिनहुँ पैसा आइरहेको छ।

प्रधानमन्त्री कार्यालयले बाढीपीडितको राहत र उद्धारका लागि प्रधानमन्त्री दैवी प्रकोप उद्धार कोषमा जम्मा गर्ने गरी नौवटा खाता सञ्चालनमा ल्याएको छ। बाढीपीडितका लागि उठेको पैसा कहाँ जान्छ, बाढीपीडितमै खर्च हुन्छ कि बाढीपीडितभन्दा बाहिर अन्य क्षेत्रमा यसको प्रयोग हुन्छ कि हुँदैन भन्ने चासो र जिज्ञासा उत्पन्न भएको छ।