किसानले डिएपी मल पाएनन्, कृषि मन्त्रालयले सुनेन : सांसद अलिभाट

काठमाडौँ । राप्रपा सांसद ताहिर अलि भाटले किसानहरूले खेतीको मुख्य सिजनमा डिएपी मल नपाएको भन्दै सरकारको ध्यानाकर्षण गराएका छन् ।

‘ठाउँ ठाउँबाट सांसदहरूलाई फोन आइरहेको छ । मलखाद्य पुगेन भनेर । हामीले बारम्बार कृषि समिति, कृषि मन्त्रीलाई भनेको छौँ तर उहाँले सुन्नु भएको छैन । अब सरकारले हरेक जिल्लामा मल पठाउनुपरो,’ भाटले शुक्रबार प्रतिनिधिसभा बैठकमा बोल्दै भने ।