मानसरोवर यात्रामा भारतीय तीर्थयात्रीको चाप बढ्दै, परमिट ढिलो हुँदा सिमकोटमै रोकिए यात्री

हुम्ला। मानसरोवर–कैलाश दर्शनका लागि हुम्लाको सिमकोट हुँदै चीनतर्फ जाने भारतीय तीर्थयात्रीको आगमन बढ्न थालेको छ। सिजन सुरु भएको चार दिनमै १६९ जना तीर्थयात्री सिमकोट पुगेका छन्।

नेपालगन्ज–सिमकोट हवाईमार्ग प्रयोग गरेर हिल्सा नाका हुँदै कैलाश मानसरोवर पुग्ने यात्रु आउने क्रम बढिरहेको सिमकोट विमानस्थलले जनाएको छ। विमानस्थल प्रमुख महेन्द्र सिंहका अनुसार वैशाख ३० गतेदेखि सुरु भएको यात्रामा हालसम्म १४७ भारतीय र २२ विदेशी नागरिक सिमकोट आइपुगेका हुन्।