प्रहरी महानिरीक्षक र एपीजीका प्रतिनिधिबीच भेटवार्ता: ‘ग्रे लिस्ट’बाट निकाल्न प्रहरीको भूमिकाबारे छलफल

काठमाडौं । प्रहरी महानिरीक्षक दान बहादुर कार्की र एसिया प्यासिफिक ग्रुप अन मनी लाउण्डरिङ्ग (एपीजी) का प्रतिनिधिहरूबीच मंगलबार नेपाल प्रहरी प्रधान कार्यालयमा शिष्टाचार भेटघाट सम्पन्न भएको छ ।

भेटघाटका क्रममा एपीजीका डेपुटी एक्जुकेटिभ सेक्रेटरी डेभिड श्यानन र पोलिसी अफिसर किया सासलको उपस्थिति रहेको थियो । सो अवसरमा नेपाललाई सम्पत्ति शुद्धीकरण सम्बन्धी सघन निगरानीको सूची (ग्रे लिस्ट) बाट बाहिर निकाल्न नेपालले प्रस्तुत गरेको कार्ययोजना र त्यसमा प्रमुख कानुन कार्यान्वयन गर्ने निकायका रूपमा नेपाल प्रहरीको भूमिकाका विषयमा विस्तृत छलफल भएको थियो ।