एक जिल्लाबाट एक सांसद बनाउने प्रस्ताव अवैज्ञानिकः तमलोपा

२९ जेठ, काठमाडौं । तराई मधेश लोकतान्त्रिक पार्टी (तमलोपा)ले एउटा जिल्लाबाट एक जना सांसद बनाउने निर्वाचन आयोगको प्रस्ताव अवैज्ञानिक र असंवैधानिक भएको जनाएको छ । ७७ जिल्लाबाट ७७ सांसद बनाउँदा जनसंख्याको आधारमा हुनु पर्ने प्रतिनिधित्व प्रभावित हुने तमलोपाको ठहर छ ।

आयोगको प्रस्तावले कोशी, मधेश र बागमतीका ७५ प्रतिशत जनताको प्रतिनिधिसभामा ३३ प्रतिशत मात्र प्रतिनिधित्व हुने तमलोपा अध्यक्ष वृषेशचन्द्र लालद्वारा जारी विज्ञप्तीमा उल्लेख छ । त्यस्तै पहाड र हिमालका २५ प्रतिशत जनताको भने ६६ प्रतिशत प्रतिनिधित्व हुने देखिन्छ ।