ग्रामीण सडक निर्माणको क्रममा अपनाइने सुरक्षा मापदण्डमाथि फेरि गम्भीर प्रश्न

हुम्ला । ग्रामीण सडक निर्माणको क्रममा अपनाइने सुरक्षा मापदण्डमाथि फेरि गम्भीर प्रश्न उठेको छ। सर्केगाड गाउँपालिका–६ को बराई क्षेत्रमा भित्री सडक खन्ने क्रममा स्काभेटर दुर्घटना हुँदा चालकको घटनास्थलमै मृत्यु भएको छ।

बिहीबार मध्यरातमा सडक विस्तारको काम भइरहेको बेला स्काभेटर अनियन्त्रित भई सडकबाट करिब ५० मिटर तल खस्दा दुर्घटनामा दैलेख घर भई हाल बर्दियामा बसोबास गर्दै आएका अन्दाजी २५ वर्षीय स्काभेटर चालक कृष्ण रावतको घटनास्थलमै मृत्यु भएको जिल्ला प्रहरी कार्यालय हुम्लाले जनाएको छ।