इप्पानको सचिवमा घिमिरेको उम्मेदवारी

काठमाडौँ । स्वतन्त्र ऊर्जा उत्पादकहरूको संस्था नेपाल (इप्पान)को सचिव पदमा कृष्ण प्रसाद घिमिरेले उम्मेदवारी घोषणा गरेका छन् । शुक्रबारदेखि सुरु भएको २४औँ वार्षिक साधारण सभाबाट निर्वाचित हुने नयाँ कार्यसमितिका लागि उनले बलराम खतिवडा नेतृत्वको प्यानलबाट सचिव पदमा उम्मेदवारी दिएका हुन् ।

घिमिरे ऊर्जा क्षेत्रका सक्रिय उद्यमी तथा विकास हाइड्रोपावर, बुढीगण्डकी हाइड्रोपावर र साङ्ग्रिला हाइड्रोपावरको प्रबन्ध निर्देशक तथा सफल व्यवसायीका रूपमा परिचित छन् । ऊर्जा उत्पादन तथा निजी क्षेत्रको लगानी विस्तारका विषयमा लामो समयदेखि सक्रिय घिमिरेले संस्थाको सङ्गठनात्मक क्षमता अभिवृद्धि र सदस्यहरूको हित संरक्षणलाई प्राथमिकतामा राख्ने बताए ।