‘संक्रमणकालीन न्यायसम्बन्धी विषय वर्तमान सरकारले टुङ्गो लगाउन नसके अरू कुनै सरकारले सक्दैन’

काठमाडौँ । कानुन, न्याय तथा मानव अधिकार समितिकी सभापति समिक्षा बास्कोटाले संक्रमणकालीन न्यायसम्बन्धी थाँती रहेका काम छिटो टुङ्गो लगाउन सरकारसँग आग्रह गरेका छन् ।

बिहीबार ललितपुरमा आयोजित एक कार्यक्रममा बोल्दै सभापति बास्कोटाले संक्रमणकालीन न्याय निरूपण लगायतका मानव अधिकारसँग सम्बन्धित थाँती रहेका सबै कामहरू सम्पन्न गर्न सरकारलाई सचेत गराएका हुन् ।