धादिङको नृसिंह धामलाई राष्ट्रिय सम्पदा घोषणा गरी ‘अन्डर वाटर टेम्पल’ बनाउन माग

काठमाडौँ । नेपाली कांग्रेसकी सांसद सिता थपलिया उर्मिलाले धादिङ जिल्लाको त्रिपुरासुन्दरी गाउँपालिका–१ मा अवस्थित नृसिंह धामको संरक्षण र विकासका लागि सरकारको गम्भीर ध्यानाकर्षण गराएकी छन् ।

बुढीगण्डकी र नेत्रावती नदीको पवित्र संगममा रहेको यो धाम आध्यात्मिक र सांस्कृतिक दृष्टिले नेपालकै महत्त्वपूर्ण तीर्थस्थल भएको बताउँदै थपलियाले बुढीगण्डकी जलविद्युत् आयोजनाको निर्माणसँगै यस क्षेत्रका ऐतिहासिक र धार्मिक सम्पदाहरू सङ्कटमा पर्न सक्ने बताइन् ।