फिजियोथेरापिस्टले ‘Dr.’ र ‘PT’ लेख्न पाउनुपर्ने माग राख्दै स्वास्थ्य व्यवसायी परिषदमा पत्र

काठमाडौं- नेपाल फिजियोथेरापी संघले फिजियोथेरापिस्टहरूले आफ्नो नामको अगाडि “Dr.” (डाक्टर) र नामको पछाडि “PT” (पिटि) लेख्न पाउनुपर्ने माग गर्दै नेपाल स्वास्थ्य व्यवसायी परिषद् समक्ष औपचारिक माग पत्र पेस गरेको छ। संघले आवश्यक कारण र विभिन्न देशका कानुनी तथा व्यवहारिक दस्ताबेजहरू सहित परिषदमा आफ्नो दाबी प्रस्तुत गरेको हो।

माग पत्र बुझाउने क्रममा परिषद्का सदस्यहरूसँग भएको छलफलमा परिषद्को आगामी बैठकपछि उक्त पत्रको लिखित जवाफ दिइने आश्वासन प्राप्त भएको संघले जनाएको छ।