सुधन गुरुङ युवतीसहित रिसोर्ट पुगेको प्रमाण प्रहरीको नियन्त्रणमा

सिन्धुपाल्चोक । पूर्वगृहमन्त्री सुधन गुरुङ बास बस्न गएको भोटेकोशी हेली रिसोर्टबाट प्रहरीले कर्मचारीको मोबाइलसहित सीसीटीभीको उपकरण नियन्त्रणमा लिएको छ ।

आफूहरूलाई प्रहरी भन्दै साधा पोसाकका व्यक्तिहरूले ती सामान जफत गरेका हुन् । मङ्गलवार काठमाडौं उपत्यका अपराध अनुसन्धान कार्यालयको टोली त्यहाँ पुगेको उक्त कार्यालय प्रमुख एसएसपी सन्तोष खड्काले स्वीकारेका छन् । उनले कुनै चोरीसँग सम्बन्धित घटनाको अनुसन्धानका लागि ती सामान जफत गरेको भनेका छन् ।