काठमाडौंमै बाँदर आतंक : भान्सामा छिरेर भात लैजान्छन्, सुकाएका लुगासमेत भेटिँदैनन्

काठमाडौं- पछिल्लो समय बाँदर आतंकले गाउँघरदेखि राजधानी काठमाडौंलाई समेत बाँकी राखेको छैन । राजधानीमा पशुपति र स्वयम्भू जस्ता क्षेत्रमा बाँदरले उपद्रो मच्चाइरहेका हुन्छन् । ती क्षेत्र आसपासका बासिन्दा भान्सा, बगैँचा र फलफूल जोगाउन दिनरात नभनी जागराम बस्नुपर्ने स्थिति छ । जग्गाजमिनको अभाव भएकाले काठमाडौंमा कौशीखेतिको चलन छ । तर निगरानी नराख्ने हो भने बाँदरले कौशीमा लगाएका बोटबिरुवा पनि बाँकी राख्दैनन् ।