बाढीपीडितलाई सहयोग पठाउने एउटै माध्यम : प्रधानमन्त्री राहत कोष

१२ भदौ, काठमाडौं । भोटेकोशी नदीमा आएको विनाशकारी बाढीले ठूलो जनधनको क्षति पुर्‍याएपछि खोज तथा उद्धारसँगै राहत संकलन र वितरणको काम तीव्र बनेको छ ।

सरकार, निजी क्षेत्र, संघसंस्था र विदेशमा रहेका नेपाली सबैले सहयोग जुटाइरहेका छन् । यस्तो बेला अर्थ मन्त्रालयले राहत संकलनका लागि ‘एकद्वार प्रणाली’ अपनाउन आग्रह गरेको छ, ताकि संकलित सहयोग वास्तविक पीडितसम्म व्यवस्थित, पारदर्शी र समान रूपमा पुग्न सकोस् ।