भ्रमणका लागि लुम्बिनी सुरक्षित रहेको विकास कोषको भनाइ

लुम्बिनी विकास कोषले भगवान गौतम बुद्धको जन्मस्थल लुम्बिनी भ्रमणका लागि पूर्ण रूपमा सुरक्षित र खुला रहेको जनाएको छ।

कोषले सूचना जारी गर्दै हालै आएको बाढी तथा विपद्का कारण लुम्बिनी क्षेत्रमा कुनै असर नपरेको स्पष्ट पारेको हो। कोषका निमित्त प्रशासनिक प्रमुख तथा वरिष्ठ पुरातत्व अधिकृत हिमाल उप्रेतीद्वारा जारी सूचनामा तीर्थयात्री, पर्यटक, आगन्तुक तथा ट्राभल पार्टनरहरूलाई ढुक्क भएर लुम्बिनी तथा अन्य बुद्धस्थलको भ्रमण गर्न आग्रह गरिएको छ।