परराष्ट्र मन्त्रालयमा २ अर्ब ८५ करोड बेरुजु: आगामी आर्थिक वर्षमा ६१ प्रतिशत फर्स्योट गर्ने योजना

काठमाडौँ । परराष्ट्र मन्त्रालयका सचिव अमृतबहादुर राईले आगामी आर्थिक वर्षमा मन्त्रालयको बेरुजु फर्स्योटको लक्ष्य ६१ प्रतिशतसम्म पुर्‍याउने कार्ययोजना रहेको बताएका छन्।

प्रतिनिधि सभा अन्तर्गतको सार्वजनिक लेखा समितिको बैठकमा बोल्दै उनले हाल मन्त्रालयको जिम्मामा करिब २ अर्ब ८५ करोड रुपैयाँ बराबरको बेरुजु रहेको जानकारी दिँदै यसलाई क्रमशः घटाउँदै लैजाने सरकारी योजना रहेको स्पष्ट पारेका हुन्।